Vanda Art Gallery

გალერეა „ვანდა“, რომელიც ერთ-ერთი პირველი კერძო გალერეაა საქართველოში,  1993 წელს ვანდა და ალექსანდრე მუჯირების მიერ დაარსდა.

გახსნის დღიდან გალერეა „ვანდას“ უპირველესი მისია თანამედროვე ქართული ხელოვნების პოპულარიზაცია და პროპაგანდაა, ასევე, ქართული არტ ბაზრის განვითარების ხელშეწყობა, რაც მას არცერთი ისტორიული გამოწვევის დადგომისას არ შეუწყვეტია.

დაარსების დღიდან გალერეა თანამშრომლობდა როგორც წამყვან, ცნობილ ხელოვანებთან, ასევე დამწყებ მხატვრებთან, რომლებიც დღეს ქართული თანამედროვე ხელოვნების გამორჩეული სახეები არიან.

გალერეა „ვანდა“ მრავალ ქართველ არტისტთან თანამშრომლობს, რომელთაგან რამდენიმეს ექსკლუზიურადაც წარადგენს. ასევე, აქტიურად მუშაობს უცხოელ ავტორებსა და გალერეებთან და ახალ პროექტებში მონაწილეობს. 1995 წლიდან დღემდე გალერეა აქტიურად წარადგენს ქართულ ხელოვნებას საერთაშორისო ასპარეზზე, მონაწილეობს მასშტაბურ არტ ფესტივალებსა და გამოფენებში.

გალერეის ერთ-ერთი მთავარი მიზანია ახალგაზრდა მხატვრების, ახალი ტალანტების აღმოჩენა და მათი შემდგომი განვითარების ხელშეწყობა, ამიტომ ის დღემდე ძალიან მნიშვნელოვან პლატფორმად მიიჩნევა ბევრი დამწყები არტისტისათვის.

არსებობის 30 წლიან პერიოდში გალერეამ შვიდასამდე გამოფენას უმასპინძლა და დიდი გამოცდილება და ავტორიტიც მოიპოვა, როგორც ლოკალური მასშტაბით, ასევე ქვეყნის საზღვრებს გარეთ.

გალერეას კერძო და კორპორატიული კოლექციების ფორმირების დიდი გამოცდილებაც აქვს.

გალერეა „ვანდა“ ყოველთვის საინტერესო კუთხით წარუდგენს ჩვენს საზოგადოებასა და უცხოელ სტუმრებს თანამედროვე ქართულ ხელოვნებას და მასში მიმდინარე პროცესებს.