გალერეა „ვანდა“

2026 წლის TAF-ზე (Tbilisi Art Fair) გალერეა „ვანდა“ წარმოადგენს ორ ხელოვანს – კაკო თოფურიასა და რიტა ხაჩატურიანს.

ორივე მხატვრის შემოქმედება ფართოდ არის ცნობილი როგორც საქართველოში, ისე მის ფარგლებს გარეთ. მათი ნამუშევრები გამორჩეულ ადგილს იკავებს მრავალი ქვეყნის კერძო და სამუზეუმო კოლექციებში.

რიტა ხაჩატურიანი თანამედროვე ქართველი მხატვარია, რომელიც ახალი თაობის მნიშვნელოვან წარმომადგენლად მიიჩნევა. მან 2007 წელს დაამთავრა თბილისის სახელმწიფო სამხატვრო აკადემიის დაზგური გრაფიკის ფაკულტეტი და მას შემდეგ აქტიურად მონაწილეობს ქართულ და საერთაშორისო გამოფენებსა და არტ-პროექტებში.

მისი შემოქმედება ძირითადად ეგზისტენციალურ თემებს ეხება — სიცოცხლესა და სიკვდილს, შიშს, ადამიანის შინაგან ბუნებასა და სულიერ მდგომარეობას. რიტა ხაჩატურიანი მუშაობს დაზგურ მხატვრობაში, ქანდაკებასა და თანამედროვე ხელოვნების სხვადასხვა მედიუმში. მისი ნამუშევრები ხშირად სერიებადაა გაერთიანებული და კონკრეტული იდეის მრავალმხრივ კვლევას წარმოადგენს.

რიტა ხაჩატურიანის ქარალდზე ნახშირით შესრულებული დიდფორმატიანი, მონოქრომული ნამუშევრები და რამდენიმე მინიატიურა, რომლებიც TAF-ზე იქნება წარმოდგენილი მის შემოქმედებას სრულიად ახალი კუთხით წარმოგვიდგენს. მხატვარი ახალი ფორმებითა და გამომსახველობითი ენით მაყურებელთან განსაკუთრებულ ემოციურ კავშირს ამყარებს .

კაკო თოფურია 1960 წელს თბილისში დაიბადა. მან 1983 წლებში დაამთავრა თბილისის სახელმწიფო უნივერსიტეტის ხელოვნების ისტორიისა და თეორიის

1983 წელს დაამთავრა თბილისის სახელმწიფო უნივერსიტეტის ხელოვნების ისტორიისა და თეორიის ფაკულტეტი. იგი ცხოვრობს და მუშაობს საფრანგეთსა და საქართველოში.

პროფესიით ხელოვნების ისტორიკოსის ცოდნა გამდიდრებულია ტრადიციული ქართული მონუმენტური ფერწერის, საქანდაკო პლასტიკის, ჭედურობის, მინანქრისა და კერამიკის დარგების ცოდნითაც.

კაკო თოფყრია ფერწერის, გრაფიკისა და ქანდაკების გარდა ინსტალაციებზეც მუშაობს.

მისი მხატვრობა ინტელექტუალური და ემოციურია – ერთი შეხედვით მარტივი, თუმცა მრავალშრიანი და სიღრმისეულია. პალიტრის განსაკუთრებული სიღრმე, ფერთა კონტრასტები, სიმბოლური მეტაფორები და პრიმიტივიზმის ელემენტები კაკოს ნამუშევრებს განსაკუთრებულ გამომსახველობას ანიჭებს. ტრადიციული ხედვა თანამედროვე არტის ენაზე გარდაიქმნება და ქმნის ემოციურად დატვირთულ ატმოსფეროს, რაც მის მხატვრობას დინამიკურს, ცოცხალსა და ადვილად ცნობადს ხდის.